Sa pakighinabi sa DXDC RMN Davao kang Police Corporal Franklin Wabe, imbestigador sa Governor Generoso Police Station, iyang giila ang biktimang magtiayon nga sila Janelle Yap, 23 anyos, ug Jocelyn Yap, 26 anyos nga adunay duha ka anak nga babayi nga nag-edad og 7 ug 3 anyos.
Saysay ni Wabe nga nakasinati og pag-ulan ang lugar niadtong higayon rason sa pagkatumba sa usa ka Centennial Mamacao Tree, diin wala nabantayan nga gabok na diay kini og ugat ug punoan.
“Base sa atong investigation, well-informed nana sila regarding ana (pero) wala gihapon sila (nihawa) tungod kay dugay na sila nakapuyo diha. Kampante na sila,” matud sa pulis.
Dead on arrival ang magtiayon samtang ang 7 anyos padayong ginatambalan ug stable na ang kahimtang sa 3 anyos.
Gipaniguro usab sa lokal nga panggamhanan pinaagi sa Department of Social Welfare and Development (DSWD) nga matunol ang gikinahanglang tabang sa nabiyaang mga mendor de edad.
RadyoMaN Kirby Manzon
