Ginsulod sang mga kawatan ang balay ni mayor jett rojas sang banwa sang ajuy sang nakaligad nga gab-i (Pebrero 24)
Suno sa guwardiya nga nagabantay sa balay ni Rojas nga si Alberto Buhayan, apat ka mga armado nga kalalakin-an ang nagsulod kag nagpangawat.
Base sa panaysayon ni Buhayan, natulugan siya matapos mag-inum-inum kag nabugtawan na lamang nga may mga armado nga tawo sa sulod sang balay kon sa diin gintayaan siya kag ginbaklid kag gingapos.
Ginkuha sang mga suspek ang pila ka mga armas sa kuwarto ni mayor Rojas kag ginbungkal ang vault.
Pagkatapos, nagpalagyo suno kay Buhayan ang mga kawatan pinaagi sa pagtaklas sa pader.
Indi naman magpati si Mayor Rojas nga masulod sang mga kawatan ang iya balay apang indi pa sini mahambal kon sin-o ang iya ginasuspetsahan nga naghimo sini.
Padayon man nga ginaimbestigahan sang Ajuy PNP ang insidente kag ang posibilidad nga inside job ang natabu.
