General Santos City–Gikatakdang pasakaan ug kasong kalapasan sa RA 10591 ang usa ka aktibong Sundalo nga si Hexter Paredez, human nakuhaan ug 32 ka buhing bala sa kalibre 45 nga pistola ang panimalay niini sa Zone II, Barangay Fatima Gensan sa gihimong search Operation sa Police Station 7 sa nakalabayng adlaw.
Sumala ni Police Sr. Inspector Fernando Manuel Jr., Hepe sa Police Station 7 nga una na silang nakadawat ug impormasyon nga adunay gihuptang dili lesensyadong pusil ang nahisgutang sundalo maong ilang gipahigayonan ug operasyon.
Nasayran nga wala ang nasangpit dihang gihimo ang ronda tungod tua na kini karon naasign sa Compostela Valley Province.
Gipaklaro usab ni PSI Manuel nga bisan ang amahan na sa sundalo maoy naabtan sa panimalay niini dihang gihimo nag operasyon ang sundalong si Hexter lang ang ilang kasuhan sa kasamtangan pinaagi sa regular filing.
Samtang gibutyag usab niini nga ang gihimo nilang ronda ang kabahin matud pa sa gipahugtang kampanya sa panggamhanang duterte batok loose firearms.
Dili matud pa pasabot nga aktibo sa serbisyo ang usa ka sundalo o pulis dili na sila mahimong target sa mga search operation sanglit sumala pa aduna gyud pipila nga anaa sa serbisyo nga duna usay gihuptang pusil nga expired na ang lesensya.
