Balay sa drug lord gi-freeze

180

Gipatuman na sa kapolisan ang freeze order sa dagkung mga balay nga gipanag-iya sa nabilanggo nga drug lord nga si Rustico Ygot ug hinigugma niini nga si Jocelyn Encila sa lain laing barangay sa lungsod sa Consolacion.

Ang korte niluwat na ug freeze order nga gipatuman usab sa kapolisan , Philippine Drug Enforcement Agency- Central Visayas ingon man sa Anti-Money Laundering Council o AMLC batok sa kabtangan ni Ygot ug Encila sa Barangay Casili ingon man sa Jugan Consolacion .


Si Ygot nga gibilanggo sa New Bilibid Prison nadakpan sa anti –drug operation sa Bohol niadtong 2010 , samtang si Encila nakuhaan ug kapin P190 milyon nga balor sa shabu niadtong Marso sa niaging tuig .

Si Police Regional Office-7 Director Police Brigadier General Albert Ignatius Ferro nipasabot nga pinaagi sa freeze order di na mahilabtan ang maong mga kabtangan hangtud nga nagpadayon ang forfeiture proceedings batok niini .

Facebook Comments