Balay sa negosyanteng gikatahong gahimo og pekeng kwarta ug mga IDs, gironda sa CIDG 10 kaganihang kadlawon

PC: RadyoMaN John Dangga

Gironda sa Criminal Investigation and Detection Group o CIDG Misamis Oriental ang balay sa usa ka negosyanteng gikatahong gahimo og pekeng kwarta ug IDs sa Pasko Village, Barangay Tablon ning syudad pasado alas kwatro kaganihang kadlawon.

 

Ang suspect nailang si Robert dela Cerna nga residente sa maong lugar.

 

Gamit ang search warrant gisulod sa mga personahe sa CIDG, Bangko Sentral ng Pilipinas, Maritime Group, duha ka barangay kagawad sa Tablon ug dxCC-RMN Anchor RadyoMaN John Dangga ang balay sa maong negosyante.


 

Nakuha sa mga operatiba ang armas nga .38, mga bala, 129-mil pesos nga gitoohang pekeng kwarta, computer, printers ug uban pa.

 

Sa karon, gidala na si dela Cerna sa buhatan sa CIDG Misamis Oriental ug gikatakdang pasakaan og kasong illegal possession of firearm and ammunitions ug kasong paglapas sa Revise Penal Code sa iyang paghimo og pekeng kwarta.

Facebook Comments