General Santos City— Gironda sa kapulisan ang panimalay sa usa ka negosyanteng taga Brgy. Balauan, alas 4 ang takna sa kadlawon. Giila ni Baluan Kapitan Arman Diamante ang tagret nga si Jesus Sevilla, hamtong ang pangidaron nga residente sa Prk. Tahimik, Balauan.
Nakuha gikan sa panimalay sa negosyante ang usa ka 9mm nga pusil samtang nakuha sa gwardiya niini ang usa ka shot gun nga sumala pa expire ang mga dokumento.
Dugang pamahayag ni Kapitan Diamante nga usa ka financier sa basakan ang nahisgutan isip buy and sell sa humay ang nag-una niining negosyo ug pagpaklaro niya nga wala kini nahilambigit sa usa mang illegal nga aktibidad.
Gawas matud pa sa armas nga maoy subject sa search warrant, wala nay lain pang nauha sulod sa panimalay niini. Pamahayag niya nga ang mga amra snga narekober ang posisbleng proteksyon sa nahisgutan gumikan makapilang higayon na kini nga na-hold-up.
