South Cotabato—Gisulod sa mga kawatan ang balay sa usa ka negosyante, alas 3 sa hapon sa may Tupi, South Cotabato.
Gi-ila ang biktima nga si Mario Trabado residente sa Purok 12, Brgy Poblacion, Tupi, South Cotabato.
Sumala pa sa imbestigasyon sa Tupi PNP misaka ang mga kawatan sa pader sa balay ni Trabado ug misulod kini sa balay pinaagi sa pagsaka sa bintana. Giguba usab sa mga kawatan ang kandado sa masters bedroom ni Trabado ayha gikuha ang kwarta nga gibana-banaang anaa sa P 1,284,000.00.
Human sa pagpangawat dali dayong misibat ang mga suspek sa wala masayring direksyon. Sa karon nagpadayon gihapon ang imbestigasyon sa mga kapolisan atol sa insidente. (Jennebel Alvarez-GSA Intern)
Facebook Comments
