General Santos City—kapin sa 1 million nga kantidad sa gituohang shabu ang narekober sa operatiba sa Philippine Drug Operation Agency (PDEA) Regional Office -12 sa panimalay sa usa ka negusyante sa Prk. 14, Barangay Katangawan, Gensan.
Giila ang suspek nga si Mishelle Allaga, 37, residenti sa samang lugar. Alas 5:45 ang takna kaganinang kabuntagon gisugdan ang search operation sa panimalay sa suspek pinasikad sa Search Warrant batok Illegal Drugs nga una gipagula ni Hon. Judge Oscar Noel sa RTC Branch 36.
Nakumpiska ang kapulisan ug (3) ka big sachet sa gituohang shabu nga gibana-banaang mukabat sa kapin 1.1 Million pesos.
Atol sa operasyon, hugtanong gihimakak sa suspek ang aligasyon kaniya nga siya lambigit sa iligal nga druga. Dili matud pa iyaha ang mga shabu nga nakumpiska sulod sa iyang panimalay.
Nagtinarong matud pa kini sa iyang panginabuhi pinaagi sa iyang negusyo ug nungka nga siya nagapamaligya ug Shabu. Posibli matud pa nga adunay nasilo kaniya tungod sa malambuon niining negusyo kansa nagasupply ug labhang ngadto sa Dhole Philippines mao nga siya gihimo-himoan ug kaso.
kasong paglapas sa RA 9165 ang gikatakdang ipasang-at nga kaso batok sa suspetsado.
