General Santos City—Midangop sa buhatan sa kapulisan ang usa ka police nga si Patrolman Anthony Roma, legal age, residenti sa Silway, Barangay West, Gensan human matud pa gisulod sa wala mailhing kamawatan ang balay niini alas 3:00 ang takna kagahapong adlawa.
Nasayran nga nahinanok ug katulog ang maong police sulod sa gipuy-an niini dihang gisulod sa kawatan kung asa gikuha ang iyang sling bag nga may sulod nga kwarta kantidad ug 15 mil ka pesos, duha ka unit sa Cellphone, mga bala ingon man ang issued firearms niini.
Uwahi nang namatikdan sa police ang suspek samtang anaa sulod sa iyang balay, iya pa kining gigukod apan malampusong nakasibat.
Sa karon nagpadayon ang imbistigasyon sa maong insidente ug ginaila pa ang suspetsadong responsible sa pagpangawat.
