Balay sa Police gisulod sa mga kawatan-3 ka suspek dakpan

*General Santos City*—sikop ang tulo ka mga suspetsadong misulod sa panimalay sa usa ka Police sa area sa Santiago Subdivision, Barangay Bula, Gensan.

Mga suspek nailhang silang si Tomawis Mama, 18, residenti sa Prk. Islam, Barangay South, Wings Bayabao, 18, residenti sa Block 14, Alunan, Barangay Bula ug Mohammad Ali, 18, residenti gihapon sa Alunan, Barangay Bula.

Alas 9:50 ang takna sa gabie dihang gisulod sa mga nahisgutan ang balay sa Police nga si Jeffrey Sardalla, residenti sa samang lugar apan swerting naabtan sa pulis ang pagsulod sa mga suspek ngadto sa iyang panimalay.


Nahitabo an gang ginukdanay ayha nasikop ang mga nahisgutan.

Subay sa pahayag sa Pulis nga si Sardalla nga gikan siya sa duty niadotng higayuna, miuli nang kini kadali kay iyang nalimtan ang iyang cellphone, pag abot niini natingala nalang sya nga abli ang ilang gate hinungdan nga mihinay-hinay kinig sulod sa ilang balay, didto iyang naaktuhan ang tulo ka mga suspek nga nangbungkag na sa iyang mga gamit.

Dihang siya nakit-an, paspas nga nanagan ang mga suspetsado, tayming usab ang pag agi sa patrol car sa Bula Police Station maong gigukod ang mga suspek hangtud nga sila nadakpan.

Sa karon ang mga suspetsado anaa na balhog sa silda sa Bula Police Station ug giandam na ang tukmang kasong gikatakdang ipasang-at batok kanila.

Facebook Comments