Balay sa pulis gisulod sa kawatan, mga importante nga gamit gihimas

36

Tabina, Zamboanga del Sur – Danlog pa sa kasili ang wala mailing kawatan nga nisulod sa balay pulis sa Purok Tandukan, Brgy. Poblacion, Tabina, Zamboanga del Sur.
Sumala sa biktima nga si PCpl Edward Abude Capungcol, 31-anyos, miyembro sa Philippine National Police nga nadestino sa Tabina Municipal Police Station samtang nipauli siya sa iyang panimalay gikan sa iyang trabaho mga alas 9:00 sa gabii iyang gipahiluna sa lamesa ang iyang dala nga dark blue belt bag nga gisudlan sa armas nga 9mm nga isyu kaniya sa PNP nga dunay tulo ka magazine ug 45 ka buhing bala.
Lakip usab nga anaa sa maong bag ang nagakadaiyang matang sa Identification Cards ug cash 8,000 ug Cellphone nga tag-16 mil.
Apan pagkabuntag nadiskobrehan nalang sa iyang ugangan nga si Pablo Rubin nga wala na ang nahisgutan nga belt bag ug gituohan nga gikwata kini sa wala mailang responsable sa pagsulod sa ilang balay nga kasamtangan pinaagi sa pag-abli sa sliding window ug gitunong kini dihang tunga-tunga sa kagabiihon nga dunay pag-ulan.
Pipila ka oras usa ka Rhea Morato nga niaagi sa Purok Burawin, Brgy Poblacion, Tabina, ang nakakita sa pitaka sa biktima partikyular duol sa municipal slaughterhouse sa maong lungsod.
Ang PNP Tabina naglusad na sa Hot pursuit operation alang sa posibleng pagbawi sa maong armas ug uban pang importanteng butang.

Facebook Comments