North Cotabato–Pakyas nga madakpan ang target sa gipahigayong operasyon sa hiniusang pwersa sa Arakan PNP, PDEA 12 ug Special Enforcement Service gikan sa Pdea National nga gipanguhanan ni Director Levy Ortiz sa may arakan, North Cotabato.
Sumala kang Kath Abad, tigpamaba sa PDEA 12 nga target sa maong operasyon si Samsom Mulaw, Presidente sa Cotabato Foundation College For Science And Techonology.
Wala matud pa ang target nga si Mulaw apan narekoner ang ubay-ubay nga tag-as nga matang sa armas ingon man mga sachet sa gituuhang shabu.
Dugang pamahayag ni Abad nga ilaha pang ginasuta kung anaa sa target list sa PDEA-12 ang nahisgutan gumikan ang PDEA National Office man ang nagpahigayon ug operasyon.
Usa sa ilahang gikabalak-an mao ang ginapuy-an sa suspek nga nahimutang sulod sa compound sa maong tunghaan gumikan delikado kini alang sa mga estudyante nga posibleng mahimong costumer sa droga.
Gipasakaan ug kasong paglapas sa R.A 10591 ug R.A 9165 ang suspek nga padayong gipangita sa otoridad.(Dave Silagan)
(Photo Credit to PDEA Rehiyon Dose)
