Sindangan, ZDN-Anaa ra sa luwas nga kahimtang, ang biktima sa pag pang istraping didto sa Barangay La Conception, sakop sa lungsod sa Sindangan, ning probinsya sa Zamboanga Del norte, nahitabo kini niadtong adlawng sabado bandang 12:30AM.
Sa nakuha nga impormasyon gikan sa PNP Sindangan, nasayran nga gi istraping ang panimalay ni Crispin Enojardo, 56 anyos, residente sa maong dapit.
Sa pagkakaron blanko pa gihapon si Crispin kun si kinsa ang naghimo sa maong pag istraping.
Sa pagkuti-kuti sa mga pulis sa Sindangan ngadto sa biktima, dugang nasayran nga atol sa byernes santo, gisaysay sa biktima mga 11:40PM samtang nag inom siya ug tubig sa iyang kusina, iyang nabatyagan nga adunay sakyanan nga miabot gikan sa Brgy. RG Macias, Sindangan, ang mihunong mismo atubangan sa iyang panimalay ug dako ang iyang kakurat sa dihang iyang nabati ang lima ka masipang buto sa armas duha niini ka bala ang miigo sa iyang lawting.
Human sa buto-buto dali nga mikagiw ang mga responsable padulong sa Pob. Sindangan.
Gisaysay usab sa nakasaksi sa dihang ilang nadungog ang buto dali nila nga gi ablihan ang ilang bentana ug didto ilang nakita ang usa ka itom nga Pick-up Truck gikan sa balay ni Crispin Enojardo.
Sa gihimong pag responde sa kapulisan nakuha ang lima ka basyo sa M16 rifle gawas sa koral sa panimalay sa biktima.
Sa pagkakaron padayon pa ang gihimong makuti nga imbistigasyon sa kapulisan aron masayran kun si kinsa ang repsonsable ug kun unsay nagpaluyong motibo sa maong pagpang istraping.
