BALAY SANG ODICTA SUB-GROUP LEADER SA ILOILO, GINRAID SANG PDEA 6

130
Iloilo City – Nakuha sang mga operatiba sang PDEA 6 ang 13 ka bulto sang ginapatihan shabu, 1 ka bala kag mga kwarta sa balay ni Rolando Torpio alias Apa sa South San Jose, Molo sa raid nga ginpatigayon kaina sang aga.

Ginpanginwala naman ni Aimee Torpio, asawa ni Apa Torpio, nga iya ang brown pouch bag nga nakuha sa sulod sang aparador nga nagaunod sang shabu.

Una na ginpahayag ni Aimee nga wala sang droga sa ila balay sang nag-atubang ini sa mga operatiba sang PDEA nga magaserbe sang search warrant.

Dugang pa sini nga wala nakapauli si Apa sa ila balay matapos nagpyansa ini kag nakaguwa sa BJMP-Nanga, Pototan sang nagligad nga bulan.

Madumdoman nga si Rolando Torpio ang una nagkansela sang iya pyansa sa korte sa ciudad sang Iloilo sa kainitan sang kampanya sang mga kapulisan kontra iligal nga droga kag hungod nga nagpapriso agud masiguro ang kabuhi.

Apang sang nagligad nga bulan sang Enero, ini ang liwat nagpyansa sa iya kaso angut sa iligal nga droga agud makaguwa sa prisohan

Facebook Comments