Balayran sa Zipline sa Seven Falls magsaka pag-abot sang summer subong nga tuig.

Lauman sang mga magzipline sa seven falls sa banwa sang Lake Sebu, South Cotabato ang pagsaka sang balayran sini pag-abot sang summer subong nga tuig tungod sa implementasyon sang 2017 Revenue Code sang provincial government sa Abril 1.
May-angot sini suno kay Mario Sorongon sang South Cotabato Provincial Treasurer`s Office halin sa P250.00 mahimo na nga P300.00 kon weekdays ang balayran kag sa weekend naman halin sa P300.00 mahimo na nga P350.00 epektibo sa Abril 1 subong nga tuig.
Suno kay Sorongon lakip man sa local economic enterprise sang provincial government nga may pagsaka sa mga balayran ang sa bahin sang protech center, sports complex kag South Cotabato Gymnasium and Cultural Center.