UN BIEN VALIENTE LADRON YA ENTRA NA CAMP ENRILE NA MALAGUTAY PARA RUBA LAPTOP COMPUTER Y CELL PHONE PERO PORCAUSA DEL CCTV CAMERA YA PUEDE DAYUN CUHI CONELE EL MANA SOLDAO DEL MARTES TARDE. CON EL SUSPECHAO YA CONOSE COMO SI AVIAN CARPIO SOJOR, SOLTERO Y DE TALISAYAN. CON SOJOR YA LLEVA NA ESTACION DEL SINUNUC EL MAGA SOLDAO DEL 54th ENGINEERING BRIGADE YA ENCABESA SI PFC MARK EGGE JOSUA UGA MANGA. DONDE YA DETENE CONELE PENDIENTE EL PLANTADA DEL CASO NA CORTE. ASEGUN NA REPORT DEL PULIS YA PUEDE CAPTURA NA CCTV DEL MENCIONAO CAMPO CON SOJOR TA SACA CON EL LAPTOP Y CELLPHONE NA OPESINA DEL 16TH ACCOUNTING UNIT. SI SOJOR TA ESTA AHORA BAHO NA COSTODIA DEL SINUNUC POLICE STATION.
Facebook Comments
