Davao City – Gikinahanglang pangandaman ang gasto sa enrolment sa mga estudyante sa pagbukas sa klase.
Sumala ni Connie Domag, usa ka ginikanan ug Davao City Anti Drug Abuse Council (CADAC) researcher, usa kini ka obligasyon sa ginikanan alang sa iyang anak nga mogahin og kwarta alang niini.
Gitin-aw usab ni Domag nga sa pagkakaron duna pa gihapoy mga bata nga mahikawan sa oportunidad nga makaeskwela sama niadtong anaa sa mga malagyong lugar.
Matud ni Domag, kini nga mga bata makonsidera nga hinikawan apan kadtong ania sa syudad dili na.
Malaumon usab si Domag nga sa dili madugay, maangkon ra gayud ang dugang mga pasilidades aron matubag ang nagkadaghang mga estudyante.
Giingon usab ni Domag nga ilawom sa kasamtangang administrasyon, gilaumang matubag na kini.
Samtang sa hisgutanang K-to-12 nga gipatuman sa Pilipinas, nagtoo siya nga molampos kini tungod kay nasugdan na.
Gitataw pa ni Domag nga ang libreng pagtoon nasugdan na ug siya nagtoo nga mapahimuslan na kini sa umaabot nga panahon.
RadyoMaN Bernard Pantallon
