Tulo ka ahensya sa gobyerno, nagkahiusa alang sa extension sa Martial Law sa Mindanao
Gikalipay sa Palasyo sa Malacañang ang pagpalig-on sa Korte Suprema sa Extension ng Martial Law sa tibuok Mindanao.
Sumala ni Chief Presidential Legal Counsel ug Presidential Spokesman Secretary Savaldor Panelo, nagkahiusa na ang tulo ka ahensya nga mao ang Ehekutibo, Lehislatura ug Hudikatura nga kinahanglan batokan ang rebelyon ug ang terorismo sa rehiyon.
Nagkahiusa ang ahensya sa gobyerno sa pag ingon nga ang ilang unang tabaho mao ang protektahan ang nasud ug ang kaluwasan sa tanan gikan sa rebelyon ug terorismo.
Dugang ni Panelo, nga samtang nagpadayon ang gobyerno sa rehabilitasyon sa Marawi City angay matud pang pakusgon ang suporta sa katawhan sa mga nagbantay sa seguridad sa nasud ug mas mag-maigmat aronnga dili mudaug ang mga konta sa estado.
-30-
National integrated cancer control act, usa na ka balaod
Gipirmahan na ni Presidente Rodrigo Duterte ang Republic Act number 11215 o An Act Institutionalizing a National Integrated Cancer Control
Program and Appropriating Funds Therefor o ilhon nga National Integrated Cancer Control Act.
Tumong sa maong balaod nga adunay komprehensibong pamaagi alang sa health development kung asa lakip niini ang pagpakusog sa integrative, multidisciplinary, patient ug family centered cancer control policies programs, systems, ug services sa tanang level sa health care delivery.
Gilangkuban ang maong balaod sa National Integrated Cancer Control Center Program nga maoy magsilbing framework sa tanang cancer related activities sa gobyerno.
Tumong sa maong programa nga mapa ubos ang ihap sa mga namatay sa sakit nga Cancer, mapaubos sa mga ihap sa sa mga adunay preventable cancer, mapugngan ang pagbalik sa cancer sa mga survivors, paghatag ug timely access sa optimal treatment sa mga dunay sakit nga cancer, himoong mas barato ang pagpa tambal sa mga dunay sakit nga cancer, ug tangtangon ang problema nga nasinati sa mga dunay cancer, survivor niini ug bisan ang ilang mga pamilya.
-30-
Department of Human Settlements and Urban Development, gimugna na sa Malacañang
Gi aprubahan na ni Presidente Rodirgo Duterte ang pagmugna sa Department of Human Settlements and Urban Development.
Kini ang gipirmahan ni Pangulong Duterte nga Republic Act Number 11201 nga nagtinguhang hatagan ug luwas, makatao, sustainable ug resilient nga pabalay sa baratong presyo ang mga kabus nga mga katawhan base sa Article 9 section 13 sa 1987 constitution.
Base sa Section 4 sa bag-ong balaod, ang Department of Human Settlements and Urban Development mao ang hiniusang puwersa sa Housing and Urban Development Coordinating Council o HUDCC ug sa Housing and Land Use Regulatory Board o HLURB.
Ang maong departamento ang maghimo ug national housing and urban development policies, strategies, ug standard subay sa Philippine Development Plan nga nagduso sa social ug economic welfare sa nasud sa tabang sa lokal nga pangagamhanan, mga stakeholders ug uban pang buhatan sa gobyerno.
-30-
Mobile number portability, usa na ka balaod
Gipirmahan na ni Presidente Rodrigo Duterte ang Mobile Number Portability Act o ang Republic Act number 11202.
Tumong sa maong balaod nga mahatagan ug mas halapad nga kagawasan ang consumer sa pagpili sa ilang mobile service provider base sa kalidad sa serbisyo ug presyo nga dili na kinahanglan mag ilis ug mobile number.
Ilalum sa maong balaod, mahimo nang mubalhin ang mga subscriber sa ilang mapiliping subscription o gikan sa Postpaid paingon sa Prepaid o puwede gikan sa Prepaid paingon sa Postpaid nga dili na kinahanglan mag ilis pa ug mobile number.
Giaghat usab sa balaod ang mga mobile service providers nga iduso ang maayong kompetisyon ug maghatag ug mas maayong serbisyo sa ilang mga subscriber o sa consumer.
