Tungod sa mas gipahugtan nga seguridad sa nasud ilabi na batok CPP-NPA og uban pang mga grupo, kanselado ang bakasyon sa mga kapulisan og kasundaluhan sa nasud Pilipinas karong holiday season.
Kini ang gibutyag ni Defense Secretary Delfin Lorenzana. Sumala pa niini nga wala una bakasyon ang tropa sa militar karong panahon sa pasko aron nga mas kusog ang pwersa aron sa pagmintinar sa kahapsay og kalinaw.
Sumala pa sa opisyal nga human nga gideklara ni Pangulong Duterte ang NPA nga mga terorista og sa sunod-sunod nga mga pagpangatake ang gihimo sa pipila ka mga lugar sa Mindanao, ginakonsidera matud pa nila nga posibleng maghimo pa sila og kasamok isip kontra na sa gobyerno ang maong grupo.
Samtang sa kabahin usab sa kapulisan, sumala pa kang Chief Supt. Dionardo Carlos nga obligado ang tanang miyembr sa PNP nga moreport sila sa ilahang pinakaduol nga police station sa ilahang mga lugar.
