Gibawi na sa Philippine National Police (PNP) ang suporta niiini sa programang “Ang Probinsyano”.
Kini dungan sa obserbasyon sa PNP sa matud pa dili patas nga pag-portray sa maong salida sa ilang hanay.
Sa memorandum nga gipagawas niadtong Biyernes, gisugilon ni Police Community Relations Director Eduardo Garado nga ihunong na ang tanang tabang sa PNP sa maong teleserye.
Lakip niini ang paggamit ug pasilidad, sakyanan ug mga armas sa pulisya ingon man ang partisipasyon sa mga pulis sa mga eksena.
Sumala usab sa Department of Interior and Local Government (DILG), posibleng magpasaka sila ng kaso batok sa mga producer kung ipadayon pa niini ang “unfair portrayal” sa PNP.
Facebook Comments
