Kinsa ba guy wala kadungog sa iyang sikat nga kanta nga “Mahal Ko o Mahal Ako” ug cover sa kanta sa Air Supply nga mao poy OST sa box-office hit nga “Kita Kita” movie, “Two Less Lonely People”, di ba? Super sikat napud ni siya sa mga young ug medyo older market nga mga Pinoy.
Ang singing competition champion ug sikat nga singer nga si KZ Tandingan, 25 anyos, is now making big sa international stage. Sayo ning buwan sa Pebrero mipakitang gilas si KZ Tandingan sa usa ka singing competition sa China nga giulohan og “Singer 2018” kun diin mga sikat ug maayo pud nga artists sa Asia ug uban pang parte sa kalibutan ang mi-audition para magtigi sa maong sikat nga show.
Sa unang salang ni KZ, mikanta ni sa sikat nga Adelle song, “Rolling In The Deep” kung diin napilde niya ang sikat nga singer-songwriter, Jessie J, 29 anyos, nga maoy nagpauso pud sa kanta nga “Price Tag”. Sa maong episode kung diin first time misalang si KZ, nalupigan niya si Jessie J. apan sa ikaduhang salang niini, nakaani ni sa 6th rank apan sa kinatibuk-an, 3rd in rank ang maong singer. Mao pud ni ang rason nga regular contender na si KZ sa maong show.
Sa ikaduhang salang ni KZ iyang gakanta ang usa ka Mandarin song nga kung sa English pa translated ni as “The Pain Which You Don’t Know”. Suma pa sa maong singer nga accidental lang ni niyang nadunggan ug sa dihang nahibaw-an niya ang meaning sa lyrics na-inlove siya sa maong Mandarin nga kanta.
Suma pa niya, wala ra siyay pagmahay sa iyang song choice kay gusto pud niya ipaabot sa mga Chinese viewers/audience ang iyang respeto sa Chinese culture/tradition.
Ikaw, idol, nadungog na ba nimu ang touching kaayo nga pagkanta sa Soul Supreme nga si KZ Tandingan? Unsa may imong message alang sa atoang Pinoy Pride? The best of luck, KZ!
Ang photo kay screenshot gikan sa YouTube.
