ILIGAN CITY- Balor sa 100 thousand pesos ang kantidad sa mga Christmas lights nga gipang-guba sa mga personahe sa Department of Trade and Industry ug Bureau of Fire Protection niadtung miaging adlaw sa pagbukas sa Fire Prevention Month dinhi sa dakbayan sa iligan.
Gibutyag ni Mr. Angelo Devero, Senior Trade and Industry Development Specialist sa DTI nga gituyo nila sa pag-guba ang maong mga Christmas lights sa mismong adlaw nga adunay kalihukan tungod tuyo nila nga mapakita sa katawhan nga seryoso ang gobyerno sa pagpakgang niadtung mga illegal nga baligya.
Nakunpiska ang mga Christmas lights sa mga tindahan sa iligan ug lanao del norte niadtu pang bulan sa nobyembre dos mil dise sais human ang sunod-sunod nga inspection sa mga otoridad niadtung mga walay icc stickers o illegal nga gipamaligya.
Usa sa mamahimo unyang hinungdan sa sunog ang mga illegal nga Christmas lights hinungdan nga giguba kini pinaagi sa pag-gunting sa mga wires ingon man pagpaligis niini ug pison.
Facebook Comments
