Davao City – Ang paghandum sa mga minatay panahon sa ‘Kalag-kalag’ timailhan nga ang kinabuhi ibabaw ning kalibutan lumalabay lamang sanglit aduna may laing kinabuhi nga naghulat kanatong tanan.
Sumala ni Davao City District Three Councilor Conrado ‘Conde’ Baluran, human niini nga kinabuhi aduna pay laing kinabuhi nga atong pangandaman samtang buhi pa sa kalibutan.
Nagtoo usab ang konsehal sa ikatulong distrito isip aktibong nag-alagad sa simbahang Katoliko nga dunay kinabuhi human sa kamatayon tungod kay si Hesu Kristo mismo nagpamatuod niini human siya nagpakatawo ug namatay sa kalibutan apan nabanhaw.
Hinoon, dili motoo si Baluran sa paghalad ug mga pagkaon sa mga patay diha sa sementeryo tungod kay dili na nila kini makaon pa, ang angay unta mao nga ang halad nga pagkaon itagana nato alang sa mga buhi.
Tungod niini, himoon natong balaan ang paghandum sa mga namatay tungod kay alang kini sa kinabuhing dayon pinaagi sa matag adlaw nga pag-ampo alang sa mga kalag sa purgatoryo.
RayoMaN Bernard Pantallon
