Pinondohan ang naturang proyekto ng Rotary International Global Fund sa pamamagitan ng Rotary Tuguegarao Citadel, na dinaluhan ng mga katuwang mula sa Department of Environment and Natural Resources (DENR), Department of Agriculture (DA), Department of Trade and Industry (DTI) at Local Government Unit (LGU) ng Amulung gayundin ang mga local stakeholders mula sa Timpuyog Dagiti Naballigi a Mannalon Producers (Timpuyog) Cooperative ng barangay Dadda.
Ayon kay District Governor for Rotary International, D770 Philippines Arturo “Art” Que, ang proyekto ay kauna-unahang internationally funded environmental protection undertaking ng Rotary Club in the Philippines na nagbibigay din ng agarang economic relief para sa mga magsasaka na kasangkot sa proyekto sa pamamagitan ng corn silage pagproseso at pagproseso ng kawayan.
Binigyang diin naman ni Artemio Antolin, ang Presidente ng Envi-Green Management and Development Corporation at Technical Adviser ang pagpapatupad ng mga hakbang sa pagpapagaan upang maiwasan ang pagkasira ng kapaligiran na dulot ng hindi napapanatiling mga gawain sa pagsasaka.
Sa kabilang banda, tiniyak naman ni Mayor Elpidio Rendon ng Amulung,Cagayan ang kanyang suporta sa pamamagitan ng pagpapabuti ng sistema ng kalsada patungo sa lugar ng proyekto.
Sa katunayan, ayon sa kanya, 5 milyong piso na ang inaprubahan para sa farm-to-market road na dadaan sa project site.
Inaasahan na anumang araw ay masisimulan na ang proyektong ito.
