Pormal na nga napasakaan ug kaso ang usa ka person of interest may kalabutan sa nahitabo nga pagkamatay sa usa ka biktima human matod pa aksidenteng nalaplap ang tiil niini, nahitabo kini niadtong adlawng sabado sa may alas 6:00PM kapin kun kulang.
Ang gitudlo ani nga person of interest mismo ang asawa niini nga si Lorita B. Halagna hingkod ang pangidaron, residente sa Barangay Diongan, Siayan, Zamboanga del norte samtang ang biktima mao ang iyang bana nga si Dominador A. Halagna.
Base sa nakuha nga impormasyon sa kapulisan sa Siayan ang mag-asawa nag inom kini sa panimalay Jolito Amod pagkahuman sa maong lingaw-lingaw nipauli kini sila nga hibog sa ilang pinuy-anan dayon natulog.
Bandang 7:00PM kapin kun kulang ang asawa niini mi bakod para mangihi ug nikuha ug sundang para matod pa sa iyang proteksyon pag abli niini sa pultahan aksidente kining napandol ug natumba tungod sa ka ngitngit salugar, ang sundang niini nga gi bitbit maayong pagkaigo sa walang batiis sa iyang bana hinungdan nalaplap ang unod niadtong higayona kusog usab ang pag bleeding sa dugo mao nga naka desisyon dad-on sa balay tambalanan para sa hinanaling medikasyon apan tungod sa kalayo sa ilang pinuy-anan nakutloan kini sa iyang hinulamang kinabuhi sa dihang nahidangat sa balay tambalanan.
Una naman gikabutyag ni P02 Armando Pelayo ang imbistigador nga wala kini tuyoa ang maong panghitabo kun dili aksidente lamang kini apan ang asawa niini mag-atubang lang gihapon sa kasong reckless imprudence resulting homicide kini human ni reklamo ang mga kabanay.
