Bana gin-martilyo-patay ang asawa sa syudad sang Kabankalan

19

Patal nga pilas sa ulo ang naagom sang misis matapos nga ginmartilyo ini sang iya mismo bana sa ciudad sang Kabankalan, Negros Occidental.

Nakilala ang biktima kay Delbeth Laurente, 40 anyos sang Sitio Lucay 2, Barangay Camingawan.


Ang suspek nga bana amu naman si Saler Laurente, 44 anyos.

Sa pagpangusisa sang Kabankalan City PNP, la una sang kaagahon (Feb.16, 2021) sang nag-away ang mag-asawa kag didto natabo ang pagmartilyo ni mister bangud sa pagpangimon nga wala sang balasehan.

Las 7:30 sang aga nagsurender ang bana nga si Saler kay Barangay Chief Tanod Leonardo Traya, Sr. kag ini ang gindala sa police station.

Gin-ako sang mister ang kremin kag natalana nga pasakaan sang kaso nga parricide.




[image: image.png]

Facebook Comments