BACOLOD CITY-Patay ang 29-anyos nga lalaki samtang pilason ang iya live-in partner matapos ginluthang samtang nagakatulog sa Purok Sigay, Brgy. 2, Bacolod City, pasado las-6:00 sang aga, Pebrero 16.
Ginkilala ang napatay kay Rhanz Moore Banias, sang Purok Maabi-abihon, Brgy. Banago, Bacolod City samtang ang iya live-in partner ang ginkilala kay Maria Liza Pahamutang, 36-anyos sang Purok Sigay, Brgy. 2. Si Banias ang nakaangkon sang pilas sa iya nga natuo nga butkon kag likod samtang si Pahamutang ang may pilas man sa iya nawala nga mata kag likod.Gindala pa sa hospital ang duha apang gindeklarar nga dead on arrival si Banias.
Santo sa imbestigasyon sang Police Station 2, nagatulog ang duha sang nagsulod ang suspek sa ila ginarentahan nga balay kag sila ang ginpangluthang. Santo sa description sa suspek, ini ang maniwang, nakasuksok sang bicycle helmet, kag blue sweatshirt kag pants.
[image: image.png]
