BACOLOD CITY – Nagreklamo sa Police Station 7 ang 51 anyos nga bana nga residente sang Purok Arao , Barangay Vista Alegre matapos nga ginapalayas mismo sang iya asawa sa ila nga balay.
Suno pa sa bana ginprangka ini sang iya asawa nga may iban na ini nga kahagugma kag wala na sya sang luyag pa sa iya.
Suno sa panaysayon sang bana kontra sa iya asawa nga 45 anyos nga sadtong September 21, 2018 ginprangka siya sang iya nga asawa, nga maglayas na sa ila nga balay kag bayaan na sini ang ila pamilya tungod may iban na ini nga ginapalangga.
Dugang pa sang tageklamo nga sang nagligad nga tuig nagpadulong ang iya asawa sa Metro Manila agud magpangita sang obra apang sang nakabalik sa Bacolod nagabusong na ini sa iban nga lalaki.
Pero sa pihak sang amo nga situasyon, iya gihapon ginbaton ang iya asawa kag upod sila nga nagapuyo.
Apang sining karun lang, liwat naman nga ginsulit sang iya asawa ang pagluib sa iya.
Tuman nga kasakit nga iya nabatyagan gani nagdesisyon na ini nga magreklamo sa kapulisan. / Web graphics/ Hungod nga ginhinago sang dyHb ang pangalan sang mag-asawa
