Davao del Norte – Gidala sa balay-tambalan ang usa ka mag-uuma human gitigbas ug gibunalan alas 7:00 kagabii nahitabo sa Prk. 10-B S.O. Pagsilaan Brgy. Adap New Bataan Compostela Valley.
Biktima naila nga si Christopher Bugto, 41 anyos, mag-uuma nga residente sa nahisgutang lugar samtang ang mga suspect giila nga si Rosielyn Bugto, 40 anyos, asawa sa biktima, ug hinablos nga si Anarose Solidaga, 18 anyos, dalaga.
Sumala sa report nga nahipos sa New Bataan Municipal police station, nasayran nga naglalis ang managtiayon hinungdang gitigbas sa suspek ang biktima tumong sa duha ka bukton samtang nilaban ang hinablos sa iyang inahan og mikuha’g kahoy dayon bunal sa ulo sa biktima.
Ang biktima daling gidala ngadto sa Compostela Valley Provincial Hospital sa lungsod sa Montevista samtang mga suspetsado misurrender sa buhatan sa kapulisan.
RadyoMaN Juls Catisay
