Bana malamposon na nabawi an asawa na miiban sa lain na layaki!

Panagsa rakan mahitabo kuman na an bana magpakilooy sa asawa na mobalik human tagbijaan kay miiban sa ija layaki. Human sa nahimong komprontasyon tali sa bana na nagreklamu sa ija asawa na miiban sa lain na layaki,malampuson na nabawi nan ini atubangan sa kapulisan sanan sa RMN DXRS na nahimong witness sa amu na panhitabo. Pasado alas 6:30 kagabii miabot an bana na gikan pa sa lungsod sa del Carmen ,Siargao Island para sa pagkuha sa ija asawa na mibija sa ija human sumaya pa miiban sa laing layaki..Tagbutyag sa bana na human na ija lamang tagsugo ija asawa na magpalit nan tubig an waya na ini makabalik pa sanan miabot sa upat ka buyan na sija naghuyat lakip an ila upat kabuok na anak. Dugang pa sa bana na nahibaw-an na lamang nija na may tag ibanan ini na layaki sanan nagtago lamang dinhi sa syudad nan Surigao an duha,rason na midesisyon ini na mokari sa syudad para kuhaon ini. Si ARNITO SULAPAS ESMERALDA boot unta mupasaka na lamang nan kaso sa ija asawa na si MELBA,pero tungod kay ija man ini pinakaslan sanan may anak man sila,nakadesisyon ini na hangyuon na lamang an asawa na mobalik sa ila sanan iatras an reklamo.An tag ibanan isab na layaki ni Melba na isa ka Jerry Andayan , an wayay nahimo sanan sakit na tagdawat an kamatuoran og misugot na ibalik na lamang si Melba sa ija bana na si Arnito.Misaad pa an bana kan Melba na dili nija ini pasakitan bisan paman sa ija pag iban sa lain na layaki.(RadyoMaN Jerson Fuentes)

Facebook Comments