TACLOBAN CITY – Umatinder an pira nga mga TOMECO enforcers han road safety training han UP National Center for Transportation Studies ha Manila.
Ginpailarom ha lima ka adlaw nga road works safety training course an mga enforcers han TOMECO agud hira in mas maedukar pa ha pagmando han dalagan han trapiko ha syudad han Tacloban ilabi na han nagtitikadamo nga volume han mga sarakyan,mga plano ha masunod nga duha ka tuig ngan preparasyon han TOMECO ha pagpahalawig han syudad.
Lakip nga ginpadara han mao nga training an tagamangulo han TOMECO nga hi Noli Naval ngan Jobs Lagutan.
Matapos an first batch han mga TOMECO enforcers in masunod naman gihapon an iba pa.
An City Government han Tacloban an nag shoulder han tanan nga gastos han mga enforcers para ha mao nga training.
