Davao City – Nalusno ang kalibutan sa usa ka bana dihang nasayran niini nga nakigdulog og laing lalake ang iyang asawa sulod sa ilang balay mismo sa kilometer 11 Sasa ning dakbayan.
Nakapaminghoy si alyas Robin samtang nagpatala sa Sasa PNP tungod kay dili kini makatoo nga mabuhat sa iyang misis nga si alyas Marielle ang pagluib sa ilang kaminyoon pinaagi sa pagbaton og laing machete gawas kaniya.
Sumala ni alyas Robin nga mipiyait matud pa ang ilang anak nga si alyas Princess kalabotan sa pakigdulog sa iyang mama sa laing macho sulod pa gyod sa ilang balay alas 8:00 kagabii.
Segun ni alyas Robin nga milakaw siya sa ilang balay alas 9:00 gahapon sa buntag ug wala kini maghunahuna nga binuangan siya sa iyang misis.
Pursegido matud pa ang mao nga mister nga mupasaka og kaso nga adultery batok sa iyang misis ug lisod na matud pa mapanday pag-usab ang naguba na niyang pagsalig sa iyang kapikas sa kinabuhi.
Pursegido muduso og reklamo sa barangay si alyas Robin aron didto husayon ang tanan ug kung dili magsinabot hayan musangko sa kinasuhay sa korte ang pagluib ni alyas Marielle kaniya.
RadyoMaN Joel Viray
tagts: dxdc 621 davao
