Bana nagselos, asawa gitigbas-patay samtang anak samaron

31

Lake Sebu, South Cotabato – Wala na makaabot pang buhi sa ospital ang 40 anyos nga asawa human kining gitigbas-patay sa iyahang 48 anyos nga bana og samaron ang niuwang nilang anak nga 25 anyos sa Sitio Lamsual, Barangay Tasiman, Lake Sebu, South Cotabato.

Base sa imbestigasyon sa Lake Sebu Municipal Police Station, ugat hinungdan matod pa sa maong krimen mao ang selos sa suspek ngadto sa biktima og midako human silang naglalis.

Dugang pa sa imbestigasyon, gitigbas sa suspek nga bana ang iyahang asawa sa makadaghang higayon igo sa nagkadaiyang parte sa kalawasan samtang nipatunga ang anak sa pagpanigbas sa suspek nga amahan og naapil sa pagkasamad.

Gilayong gipangdala sa Lake Sebu Medical Complex ang mga biktima apan si Angeles gideklara nga Dead on Arrival sa miatiman nga doktor samtang si Genevieve gi-transfer sa South Cotabato Provincial Hospital alang sa dugang medikasyon sa naangkon niyang samad.

Miikyas dayon ang suspek nga bana paingon sa wala matinong lugar og mipahigayon na ang kapolisan sa maong presinto og hot pursuit operation aron madakpan ang suspek.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation

[image: gitigbas.jpg]

Facebook Comments