Davao City – Kritikal ang usa ka technician nga nahidangat sa Southern Philippine Medical Center human gitigbas nahitabo didto sa may Remco Village, Malagamot Road Panacan siyudad sa Davao.
Sa report gikan Sasa Pnp ang biktima nailang Joseph Safra, 28 anyos nagpuyo sa may Dusnai Village, Dumoy, Toril ning dakbayan samtang ang suspetsado nailang Crespil Rebucas, hingkod ang edad residente sa Malagamot, Panacan ning siyudad.
Sa imbestigasyon sa kapolisan samtang ang biktima niadto sa panimalay ni Duday Rebucas aron nga apason ang iyang asawa nga nitambong og birthday kalit kini gitigbas sa suspek tumong sa tuong abaga nga bahin.
Human sa hitabo ang suspek abtik nga nisibat sa wa matinong direksyon samtang ang biktima daling gitabang ug gidala sa ospital.
Sa pagkakaron padayon pa nga gitambalan sa mga doctor ug anaa pa sa talandugon nga kahimtang samtang ang kapolisan sa Sasa naglusad na og halapad nga imbestigasyon aron masuta kun unsay motibo sa pagtigbas sa biktima.
RadyoMan Don Pulayao
