Nadakpan na sa otoridad ang usa ka babaye nga nanag-iya sa balay kung diin nagsugod ang sunog sa Barangay Calamba, Cebu City niadtong Agusto 30. Basi sa imbistigasyon, nahibaw-an nga kining bayhana og iyang bana nagkalalis atong higayona. Sa ilang panaglalis, intensyong gibuak unya gipasiga sa iyang bana ang lampara nga naay gas. Og mao ni ang hinungdan nga midalaab ang dakong kayo sa ilang panimay ug laing 60 kapanimay pud ang nadamay.
Nahibaw-an pud sa mga otoridad nga “high” daw sa illegal nga droga ang bana sa dihang naglalis sila sa iyang asawa. Sa pagkakaron, padayong gipangita ang maong lalaki. Ug padayon gihapong gi-abagan sa Cebu City Government ug lainlaing mga private sectors ang mga fire victims. Mga gamit sa kusina, pangkatog, toiletries, bugas, canned goods ug noodles ang pipila lang sa ilang mga nadawat.
