General Santos City—pagpanimalos ang usa sa mga anggulong gitutukan sa Maitum Municipal Police Station sa nahistabong pagpamusil patay kang Barangay Tuanadato Kagawad Randy Macatin, ug sa biktimang si Mamalonto Pinke, nga taga Palimbang Sultan Kudarat.
Sumala ni Police Chief Inspector Rodel Javison, hepe sa Malungon Municipal Police Station nga walay laing gidudahan ang pamilya sa biktimang barangay opisyal kon dili ang pagpanimalos human dunay napatay nga usa ka miyembro sa pamilya sa suspek kansa gidudahan ang pamilya usab sa biktima.
Kahinumduman nga una nang gipamusil ang mga biktima niadtong Domingo, August 27, 2017 sa may Barangay Penol sa samang lungsod.
Dugang pagbutyag ni PCI Rodel Javison nga duna na silay pangalan sa suspek apan nag dumili kini sa pagbutyag tungod pabilin pa kining gawasnon hangtud karong panahuna.
