Davao City – Mireklamo sa kwerpo sa kapulisan ang usa ka bana kay iyang asawa nga OFW sa Dubai miuling buntis.
Sa blotter sa Talomo PNP, nagpahungaw ang usa ka bana nga si alyas Joe, 31 anyos, machine operator, nagpuyo sa Barangay Crossing Bayabas Toril, Davao City tungod kay ang iyang asawa nga si alyas Lovi, 31 anyos kalit nga miuli gikan sa Dubai ug mikumpisal nga tulo ka bulan na nga buntis.
Sumala ni alyas Joe nga tulo ka tuig nagtrabaho isip manicurista ang iyang asawa ug dako na lamang iyang kahikurat nga mikumpisal kaniya ang iyang kapikas nga nagsabak kini.
Wala usab musulti ang iyang asawa kung kinsay amahan sa gibuntis niini samtang nanarbaho sa Dubai isip overseas contract worker.
Sa karon, gitambagan sa Talomo PNP si alyas Joe nga dad-on ang iyang reklamo sa Barangay.
RadyoMaN Erin Lumosbog
