GENERAL SANTOS CITY- Wala nay kinabuhi nga nadiskubrehan ang bana sa Overseas Filipino Worker o OFW naila sa pangalang John Mark Ballares, 32 anyos og residente sa Lerio Street, Purok 7, Sto. Niño, Apopong.
Sumala sa kapolisan pinaagi sa ilang imbestigasyon, nagbutyag ang ginikanan ni Ballares ngadto sa imbestigador nga niaging mga adlaw na ang ilang anak nakiglalis sa iyang kapuyo nga OFW human madiskubre nga duna kini laing gihigugma nga foreigner samtang nagtrabaho isip domestic helper sa Saudi Arabia.
Nakurat ang sakop sa pamilya ni Ballares dihang nakaplagan kining nagbitay sulod sa kwarto nga ilang gipuy-an gamit ang nylon nga gihikot sa iyang liog.
Gihaw-as sa pagkahikot ang nasangpit og gipahigda sa higdaanan apan wala nay kinabuhi.
Nagtuo ang pamilya niini nga walay foul play ang pagkamatay sa ilang anak.
For more info’s and updates, like and share our official facebook account : www.facebook.com/ifm91.9Gensanofficial/
[image: ctto.jpg]
