Gihalf-mast karon ang bandera sa mga police stations sa Sugbu ug sa Central Visayas subay sa pagsubo niini sa kamatayon sa usa ka police official didto sa Guihulngan City sa lalawigan sa Negros Oriental .
Si Police Regional Office-7 Director nga si Chief Supt.Debold Sinas maoy nimando niini agig pagpakita sa ilang pagrespeto ug pagsubo sa kamatayon ni Sr. Inspector Porferio Gabuya Jr . nga gitohoang gipatay sa rebeldeng New People`s Army kon NPA sa Guihulngan City niadtong Disyembre 19.
Samtang ang hepe sa Cebu City Police Office nga si Sr. Supt. Royina Garma nihulagway nga makapasubo nga nawad-an sila ug kauban sa buhat ilabi na kay nagsingabot na ang pasko .
Gibutyag ni Garma nga maayo ug record si Gabuya sa dihang nadestino pa kini sa Sugbu isip hepe sa kapolisan sa Talamban ug OIC sa Parian Police Station.
Si Gabuya gipaaran sa gitohoang sakop sa NPA samtang kini nangape sa usa ka tindahan dool ra sa ilang buhatan .
