General Santos City—Naka half mast karon ang bandila sa General Santos City Police Office tungod sa pagkamatay sa ilahang kakaubanan nga si PO1 Aldrin Marine nga nakabase sa Mobile Patrol Unit human ang pipila ka adlaw nga pakigbisog niini batok sa kamatayon sulod sa intensive care unit sa Mindanao Medical Center.
Kung kahinumduman nga ang nasangpit nga pulis ang una nang nabangga sa pader sa Camp Fermin Lira niadtong milabay nga simana samtang sakay sa motorsiklo nga iya sa mobile patrol unit.
Sa nakalabayng adlaw, nakabsan gyud sa iyang kinabuhi ang nasangpit nga pulis.
Kaanugon mao kini karon ang gibati sa iyang pamilya gumikan bata pa kini kaayong nakabsan ug kinabuhi. (Dave Silagan)
Facebook Comments
