Bang 5x! persona muerto

Ta continua pa el investigacion del maga pulis del Ayala Police Station tiene que hace con el matansa del un residente de Languyan, Tawi-Tawi conquien ya tira el desconosido persona na Pullpin Drive, Purpk 6, Recodo enantes madrogada.
Donde con el victima ya conose como si Beryamin M. Amiril, quien ta queda temporaryamente na Labuan.
Si Amiril ya muri despues este ya sostene sinco tupada de bala na cuerpo y na cabesa.
Serca man ala una del madrogada cuando si Amiril muntando na su motorrsiclo estaba adentro del Puppin Drive y encamino para na highway del Recodo cuando tiene ya un persona nombrao como si untal Nur el ya ataha conele y ya rega de bala.
Si Nur ya escapa despues del incidente dehando con el victima muerto y tintido na camino.
Ta precura ahora sabe maga pulis si cosa ta hace si Amiril na mencionao lugar el hora del madrogada.