Ta esta pa baho na investigacion el matansa del un habal-habal driver na Ayala enantes aga.
El otoridad dos anggulo ta mira que amo possible el motibo del matansa di Willy Nacional y Demoral, 51, de edad y residente de Tulungatung.
Serca man alas 5 del aga cuando ta man jogging si Nacional desde Tulungatung para na Ayala pero cuando ya llega este na Zone 6 del mencionao barrio, tiene ya lang dos persona muntao na un motorsiclo ya aparese y el ancas ya sopla de tiro conele usando el caliber 45 pistola.
Si Nacional dayun ya muri despues ya tumba este na calsada.
Maga pulis ya recobri un capsula de caliber 45 pistola na lugar del incidente.
Agravio personal y droga amo cosa ta considera el otoridad anggulo del incidente.
Facebook Comments
