*Gamu, Isabela*- Patuloy ang isinasagawang imbestigasyon ng kapulisan sa nangyaring aksidente na ikinasawi ng dalawang lalaki habang patuloy pang inoobserbahan ang isang sugatan sa pagamutan sa Brgy. Guibang, Gamu, Isabela
Kinilala ang mga nasawing sina Eric Bagauisan, tsuper ng Honda TMX 125 at Jhong Madayag na kapwa residente sa nasabing lugar habang sugatan naman si Renante Gallato na kasalukuyang nasa pagamutan
Kinilala naman ang bus driver na si Rohmar Agcaoili, na residente ng Bangan, Sanchez Mira, Cagayan.
Batay sa imbestigasyon ng Gamu Police Station, magkasalungat na binabagtas ng bus at ng tricycle ang pambansang lansangan
Ayon pa sa imbestigasyon ng pulisya nag-overtake ang bus sa behikulo na nasa harap nito na dahilan para bumangga sa paparating na tricycle na sakay ng mga biktima.Sa lakas ng banggaan, agad na binawian ng buhay sina Bagauisan at Madayag.
