Davao City- Wala pa’y lead ang Sasa PNP sa suspek nga nagpusil patay sa driver sa Bachelor Express bus nga si Louie Modelo Ybanez, 34 anyos nga taga Homeland Carmen Davao Del Norte.
Padayon at-large ang suspek nga gihulagway sa conductor nga si Oscar Mantes , 5’7 ang gitas-on, army cut ang gupit, brown complexion ug bangason.
Matud ni Sasa PNP chief Police Senior Inspector Noel Villahermosa, gisaka sa suspek ang biktima sa bus nga gimanehoan niini ug dayon gipusil tumong sa tiyan gamit ang .45 nga pistol.
Daling gisapupo sa rescue team si Ybanez paingon sa Southern Philippines Medical Center apan sa dalan pa lang daan nakabsan na sa kinabuhi ang biktima busa igo na lang kini gideklara nga patay na sa doctor nga mihiling kaniya.
Suma ni Villahermosa, nasuko matud pa ang mamumuno human gibadlong kini sa driver nga undangon ang pagzigzag sa motor aron malikayan ang disgrasya ug mapagan ang mga pasahero sa bus.
Butang nga wala magustohi sa suspetsado ug pag-abot sa bus stop sa Panacan gisaka ang biktima dayon gipusil kini sa maka-usa ka higayon resulta sa iyang kamatayon bandang 9:00 sa kagabhion.
Kasamang Joel Viray
tags: Mindanao, Davao City, DXDC, DXDC 621, Joel Viray, Sasa PNP
