Davao City – Gibarogan karon sa mga miembro sa ‘Bag ong Hulagway Relocation Association Inc.’ sa Prk. 6 Buhisan Tibungco nga dili legal ang pagkapalit ni Johny Ng sa luna nga giukopa sa 70 ka mga membro sa asosasyon.
Gikwestyon sa mga residente ang titulo nga gihuptan ni Ng tungod kay walay kalibutan ang mga miembro sa asosasyon nga adunay transaksyon nga sama sa pagpalit sa ilang luna ngadto sa pribadong korporasyon.
Sa kasamtangan nagsugod na sa pagkural sa luna ang mga trabahante ni Ng nga miresulta sa dakong kabalaka sa mga residente tungod kay makulong kini uban ang ilang mga pinuy anan.
Makita usab ang presenya sa DCPO, SWAT, Anti Dispersal Unit ug Bunawan PNP sa gibangi-an nga luna kansang gisaway sa mga residente tungod kay wala man sila mangita ug samok.
Gibutyag usab ni Kapitan Buddy Calvo sa Brgy. Tibungco nga dili niya pasagdan ang mga residente ug iyang paningkamotan nga makab ot ang resulosyon nga dili usab muresulta sa pag abog sa mga investor sa iyang barangay.
RadyoMaN Erin Lumosbog
