Davao City – Bangi sa yuta ang gilantaw nga motibo ngano gipatay sa riding in tandem ang habal-habal driver sa Malagamot Panacan gahapon sa buntag.
Nasayran nga gipusil sa makatulo ka hosting sa mga armadong nakamotor si Melton Canedo Jr., 44 anyos, minyo ug residente sa Premco Malagamot Panacan 6:40 gahapon sa buntag nga miresulta sa kamatayon.
Suma sa igsoon nga si Nestor Canedo nga wala silay laing nakitang rason aron patyon si Meliton.
Apan wala una gipadaplin ni PO2 Roger Rivera sa Sasa PNP ang laing hinungdan busa mas gilawman pa ang gilusad nga imbestigasyon sa krimen.
Sa karon, blangko pa ang kapulisan sa pagkatawo sa mga suspetsado nga igo lang gihulagway sa mga testigo nga nakasuot og itom nga jacket ug nakahelmet.
RadyoMan Joel Viray
