General Sanos City–Padayong ginasuta karon sa Bureau Of Fire Protection-Gensan ang tinuod sigugdan sa pagkasunog sa usa ka bangkang panagatan nga gipanag-iyahan sa usa ka Alex De Ramos sa Purok Puting Bato Barangay Calumpang, Gensan, niadtong milabay nga adlaw nga gika –angol sa usa ka Engine Mechanic nga si Reynaldo Egtenta, legal age, residenti sa Barangay Calumpang.
Sumala pa ni SFO1 Filamer Acub ang imbistigador sa maong kaso nga sa karon ginasuta pa nila unsa ang hinungdan nganong mibuto ang ilawom sa bangkang panagatan nga maoy hinungdan sa sunog.
Usa sa mga gidudahan sa BFP mao ang mga fumes nga posibleng nasindihan mao nga nibuto.
Samtang nagpabilin pa karon sa Labella Hospital ang biktima nga si Reynaldo human nga nakaangkon kini ug first degree burn sa iyahang tibuok lawas. Nasayran nga atol sa sunog anaa sa makina ang nasampit.
Nasayran nga nag dock lang sa RD WARF II sa Puting Bato, Calumpang ang bangka dihang kalit lang nagdilaab ang kalayo. Gilayon man kining naapula human nga paspas nakarespondi ang BFP-Gensan. (Dave Silagan)
