Bangkay nakit-an sa baybayon it New Buswang kabii

46

Kalibo, Aklan – Sa state of decomposition eon rong sangka patay nga eawas tag makit-an raya kabii sa baybayon nga sakop it Sitio Borak, New Buswang, Kalibo.
Nasayuran nga eaeaki rong bangkay bangud sa anang soksok nga brief.
Nakit-an raya nanday Dan Carlo Cajigal, sa legal nga edad, Brgy. Tanod it Brgy. Old Buswang ag ni Connie Tayco, sa legal nga edad ag residente it Brgy. New Buswang samtang sanda ra nagapanawayang.
Suno kanda nga ro nasambit nga bangkay hay nasampay sa isla-isla sa tunga it baybayon.
Insigida man nanda nga ginpasayod sa mga otoridad ag gin respondehan man dayon it mga kapulisan ag kung SOCO-Aklan.
Gintinguhaan man dayon it mga kapulisan, SOCO-Aklan ag ko mga nakakita kaibahan man si Anthony Alonzo nga Tanod it Old Buswan ag kaibahan sa nag guide kon sa siin gin karga raya sa baesa ag ginbuoe it funerarya.
Sa makaron hay uwa pa gid makilaea ro nasambit nga bangkay.
Sa pagpangusisa man it mga kapulisan hay uwa man it reported nga naduea iya sa probinsya it Aklan ag ginapatihan halin raya sa ibang lugar.


Facebook Comments