Cauayan City, Isabela- Natagpuang palutang-lutang sa ilog Cagayan ang bangkay ng isang lalaki pasado alas-8:30 ngayong umaga (Oktubre 30, 2021) sa bahagi ng Barangay Maraburab, Alcala, Cagayan.
Ayon sa MDRRMO- Alcala Emergency Response Team at PNP Alcala, patuloy pa rin na inaalam ang pagkakakilanlan ng naturang bangkay.
Walang suot na damit ang lalaki habang nakitang may nakakabit na tali sa kanyang bewang.
Ipinagbigay alam na umano sa PNP ang pagkakadiskubre sa bangkay ng lalaki.
Samantala, panawagan naman ng mga awtoridad na kung sinuman ang nawawalan ng kaanak ay maaaring sumangguni sa pulisya.
Facebook Comments
