Ginkumpirmar ni Police Major Marlon Valencia, hepe sang Mandurriao PNP nga nakilala na ang bangkay sang tigulang nga nasapwan sa lagoon sang DOH 6 sang nakaligad nga adlaw.
Suno kay Valencia nga ginkilala ang biktima nga si Nelva Golingay, 68 anyos sang barangay Pontoc, Lemery, Iloilo.
Nakilala ini pinaagi sa iya anak nga si Myla Ubales.
Ginpahayag ni Valencia nga may pasyente nga ginabantayan sa Western Visayas Medical Center si Golingay kon sa diin isa ka adlaw nga wala ini makapauli sa ila balay kag ulihi na nahibaluan nga ini ang tigulang nga nasapwan sa lagoon sang DOH.
Nagapati ang kapulisan nga aksidente nga nahulog ang biktima kag wala sang foul play sa kamatayon sini.
Facebook Comments
